Legazpi dorretxea Migel Lopez de Legazpi (1502-1575) Filipinetako konkistatzailearen jaiolekua da, bera jaio baino mende batzuk lehenago eraikitakoa.
XVI. mendearen bigarren erdialdean etxe honek nobleen bizileku izateari utzi zion. Orduz geroztik, baserritarren bizileku izan zen, eta itxura ere aldatuz joan zen bertan egiten ziren lan berrietara moldatze aldera. Nicolas Soraluzek etxea XIX. mendean salbatu zuen, trenbidea pasatzerakoan botatzekotan izan baitziren. Dena dela, XX. mendearen hasieran, argazkiak adierazten duen bezala, oso kontserbazio egoera txarrean zegoen. Aurreko mendeko 80ko urteetan zaharberritze lan sakona egin zuten, eta kultur gune bihurtu zuten.
