Eskualdean goierritarren eskura dauden zerbitzuak gero eta gehiago dira, alor eta esparru ezberdinetan ere gora egin baitu eskaintzak azken urteetan. Orain, eskualdeko 22 herrietako zerbitzu horiek denak Goierriko lehen zerbitzu gidan dituzu bilduta.
Goierriko Hedabideak komunikazio enpresak –Goierriko Hitzaren eta GoiBerriren argitaratzailea– argitaratu duen Goierriko Zerbitzuen Gidan, atalka eta herrika banatuta, modu erraz eta erabilgarrian daude jasota eskualdeko zerbitzu guztiak: dendak, edergintza, elikadura, enpresak eta zerbitzuak, erakundeak, etxegintza, motorra, osasuna eta ostalaritza.
Interes orokorreko informazioa bildu da bertan, eta esparru ezberdinetako telefonoak eta helbideak modu erraz eta erabilgarrian aurkitzeko aukera ematen du. Aipatutako bederatzi atalez gain, farmaziei, garraioei, osasun zerbitzuei… buruzko informazio ere bertan izango duzu eskura.
Goierrin egiten den mota honetako lehen gida da, eskualdeko 22 herriak hartzen dituena eta euskara hutsean.
Goierriko Hedabideak enpresak zerbitzu gida berritzailea, modernoa eta erabilgarria egin du, goierritarrei eta Goierriko Hitza egunkariaren eta GoiBerri aldizkariaren harpideei banatzeko. Datozen egunetan banatuko zaie Goierriko Zerbitzuen Gida harpide guztiei –zu ere harpide bazara eta ez baduzu gida jasotzen, gerturatu Goierriko Hitzak eta GoiBerrik Beasainen (Oriamendi,32) eta Urretxun (Iparragirre,11) dituen bulegora–.
Abenduaren 13tik 15era bitartean eskualdean egingo diren liburu eta disko azoketan ere eskuratu ahalko da gida.
Interneten ere bai
Paperean bilduta dagoen hori guztia eta gehiago, sarean ere eskuragarri egongo da goierrikozerbitzuak.com helbidean. Behar duzun zerbitzu, telefono edo helbide hori bertan eskuratu ahalko duzu, eta etengabe berrituko den informazioari esker, Goierriko eguneroko eskaintza modu errazean aurkituko duzu. Etengabe berrituko diren albisteen bidez, gainera, eskualdeko zerbitzu guztien berri izateko aukera ematen du webguneak.
Eskualdean zerbitzuen alorrean antolatzen diren ekitaldien, deialdien, eta eskaintzen berri izateko, jo Goierriko zerbitzuak biltzen dituen sareko lehen gida honetara, eta ez galdu eskualdeak eskaintzen dituen zerbitzuen berri izateko aukera.
Zuk ere etxekoek, etxean eta etxekoentzat egindako gidan parte hartu nahi baduzu, eta zure zerbitzuaren berri emateko modurik errazena eta eraginkorrena erabili nahi baduzu, bidali mezu bat jizagirre@bidera.eu helbidera.
