Brasatan egindako txuleta

Txuleta

Beasaingo Artzai-Enea jatetxea jatxeko Jose Mari Carrillok prestatutako errezeta.

Osagaiak

  • Txuleta
  • Maldon gatza
  • Pikillo piperrak
  • Oliba olioa
  • Gatza
  • Azukrea

Errezeta

Errezeta honek brasari puntua hartzean du zailtasunik nabarmenena. Garrantzitsua da haragia giroko tenperaturan edukitzea, bestela ezinezkoa baita ondo ateratzea.

Artzai-Enean 1700-1800 gramo inguruko txuletak erabiltzen dituzte. Parrila brasetatik 15-20 zentimetro ingurura jarri,  eta 20 minutu inguru behar ditu txuletak egiteko. Parrilan jarritakoan gainetik gatza oparo botatzen zaio, haragiak hartzen ez duen gatza behera erortzen baita. Buelta emandakoan, beste aldetik ere berdin egin behar da.

Piperrak

Pikillo piperrak labeko ontzi batean jarri, olioa, gatza eta azukre pixka bat gehitu. 120-130 gradutan berotutako labean sartu, txuletak egiten diren bitartean.

Txuleta eta piperrak egin bitartean, plater zabal bat parrilan bertan berotu behar da. Haragia egin denean, plater beroan jarri, zatitu eta gatz pixka bat botatzen zaio.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude


Ondorengo XHTML etiketa eta atributuak erabil ditzakezu: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>