2020/12/23
Amaia Iturriotz Etxaniz
- Gaia: Eguberri on!
- Neurria: Hamarreko txikia
- Doinua: Seme ezarri bainauk
Konfita, bisigua,
Covid-a, txanpaina
pozten al gaitu ezerk
zorionak aina
galdetu Instagrami
fartsaren tamaina
Eguberri bezpera
omen da gaur baina
non da telebistako
lurrinen usaina?
Mendeak gurutzatu
digu segundua
bizirautea al zen
gure helburua?
bakardadea berez
al da segurua?
besarkatu ahal gisan
nork bere burua
ta maitasunak hautsi
dezala mundua
Hurrengoa
- Bertsolaria: Aratz Igartzabal Bidegain
- Gaia: Auzolana
Bertso gehiago...
