Zeraingo Udalak berritu ona eman dio udal webguneari, eta dagoeneko erabilgarri dago: zerain.eus. Herritarren partehartzea bultzatzea eta udalarekiko tramiteak erraztea izan dira helburu nagusiak. Izan ere, hainbat tramite online egin ahal izango dituzte herritarrek, udal bulegoetara joan beharrik izan gabe. Errolda agiriak, obra baimenak edo udal baliabideak egiteko eskaerak dira horren adibide.
Udalaren berriez gain, herriko albisteak eta agenda ere eskainiko ditu. Bertako elkarte, zerbitzu nahiz enpresen inguruko informazioa ere emango du webguneak. Partehartze atala eta udal gardentasunaren ingurukoa ere jarri dituzte.
Bertako nahiz kanpokoentzat
Herritarrentzat nahiz kanpotik datozen bisitarientzat informazio osoa eskaintzeko prestatuta dago ataria. Zeraingo zerbitzu turistikoen mapa bat osatu dute, ostatu, jatetxe eta bisitatzeko moduko lekuekin.
