Maitzaren 17an goizeko 10:00etan Larraitzen hasiko da Txindokiko Kilometro Bertikala. Lehenik Gaintzako bide gurutzera joango dira modu neutralizatuan. Puntu honetan jarriko da kronometroa martxan eta korrikalariek 3,6km eta 980m+ egin beharko dute gailurreraino iristeko. Bidean Oria iturritik igaro (kontrol puntua) eta tximistan bidean gora egingo dute partaideek. Aurtengoa, Goierri Trail Koparako puntuagarria izateaz gain, Euskal Herriko Kilometro Bertikal Txapelketa izango da.