Ixabel Olano 1977an Beasainen egin zen Kilometroak festan, ondoan ahizpa eta aurrean semea duela. / Josetxo Zufiaurre
Josetxo Zufiaurre beasaindarrak Irakaskuntza Beasainen liburua kaleratu berri du. Beasaingo Ikastolaren sortzaileetako bat izan zenez, ikastolari buruz liburua idaztea pentsatu bazuen ere, azkenean, Beasaingo irakaskuntza osoa aztertu eta jaso du.
Dena den, Ikastolak eta Ixabel Olanok tarte berezia hartzen du liburuan. Beasaingo Ikastolako lehenengo andereñoa izan zen Olano. Argazkian, Alkartasuna Lizeoak antolatuta 1977ko urriaren 16an ospatu zen Kilometroak jaian kilometroak egiten ikus daiteke Ixabel, Milagros ahizparen ondoan, semea aurrean duela. 2001ean ere berriz egin zen Kilometroak festa Beasainen, Andramendi ikastolak antolatuta.
