Bihar, martxoak 28, pasatuko da 24. Korrika Goierritik. Lanean harrapatuko du Nekane Munduate Urdangarin, Ezkion kotxean sartu eta, eskualdea zeharkatu ondoren, Legorretan jaitsiko baita.
Legazpiko Elbereth musika taldeak azken kontzertua egingo du bihar, Oholtza Bete Bihotz jaialdian, Koma taldearekin batera. Atzean utziko dituzte 25 urte emankor, eta toki esanguratsua metal doinuen munduan.
Iker Sukia lazkaotarrak artzaintza du ogibide, eta txikitatik etxean ikusi duen ofizioa bere egin du. Sukiak ezingo luke musikarik gabe bizitza ulertu. Oilar Beltzak taldean baxua jotzen du, eta trikitilari bezala ere aritzen da, Aritz Markinez panderojolearekin.
