Mikel Iturriotzek (Urretxu, 1995) Jarduera Fisikoa eta Kirolaren Zientziak eta Lehen Hezkuntzako irakasle ikasketak egin zituen. Zerki enpresaren kirol orientazio zerbitzuan lan egiten du: monitoreei eskolak ematen dizkie, eskola kirolean… Urola futbol taldean jokatu zuen, atzelari postuan. Egun, mendian asko ibiltzen da. Bertsolaria ere bada. Umetan, Eskolarteko Bertsolari Txapelketa irabazi zuen, taldeka. Gazte mailan, Gipuzkoa mailakoa irabazi zuen eta Euskal Herrikoan bigarren izan zen.
Zein da zure bertsolari kuttuna?
Ez dut bertsolari kuttunik. Ez dago bereziki gustatzen zaidan bat.
Zein da zure mendi kuttuna?
Aizkorri.
Pelikula edo telesail bat?
El señor de los anillos.
Abeslari bat edo musika talde bat?
Desgaraian. Musikalki oso onak iruditzen zaizkit. Gitarrak, pianoa, erritmo aldaketak… Talde ezberdina eta freskoa dela iruditzen zait. Gainera, hitzei garrantzi handia ematen diote.
Abesti bat?
Sagarroi taldearen O leonzinho.
Liburu bat?
Joseba Sarrionandiaren Lagun izoztua. Bere garaian markatu egin ninduen: gai konplexuak, adiskidetasun kontuak, deserria…
Oporretarako toki bat?
Pirinioak.
Zer gosaltzen duzu?
Kafea eta jogurta oloarekin.
Inoiz ahaztuko ez duzun eguna.
Ez dut egun benetan gogoangarririk.
Sekula egin dizuten opari bereziena?
Esaldi batzuk josita zituen manta bat.
Goierriko txoko kuttuna.
Irimo.
Zumarragan biziko ez bazina…
Urretxun.
