Jose Luis Etxezarreta • Beasain-Lazkao
Lazkaoko San Benito ikastolako ikasle ohiak.
Idiazabalgo ikastolan ikasturte bat eman ondoren, duela 40 urte baino gehiago iritsi nintzen Lazkaoko ikastolara, gazte eta indartsu. Ikasturte honen amaieran, erretiroa hartuko dut.
Ikastola txikia zen, bederatzi lokaletan banatua eta hamazazpi langileko talde batekin. Gaur egun, 1.200 ikasle eta ehun langile baino gehiagok osatzen dugu lau eraikinetan, 0-18 urte bitarteko zerbitzuak eskainiz.
Jose Luis Etxezarreta
Irakasle eta administratzaile eta idazkari pedagogiko gisa era guztietako lanak egitea egokitu zait. Azken 20 urteetan Lehen Hezkuntzako irakasle izan naiz.
Urte hauetan guztietan sufritzeko eta lan zoragarri batean gozatzeko aukera izan dut, haur eta nerabe izan zirenak eta orain nire ikasleen guraso direnak nola hazi eta heldu diren ikusteko aukera izan baitut.
Lankide askorekin lan egiteko aukera ere izan dut, talde-lana partekatu ahal izan dudalarik, baita parte hartu dudan zuzendaritza-taldeekin ere (oroitzapen berezia Luis Mari eta Belenentzat).
Agurra
Lerro hauei esker, irakasle gisa agur esango diet maiz ikusten ez ditudan ikasle eta gurasoei. Sufriarazi zidaten guztiei, mila esker indartsuago egiteagatik; gozatu arazi zidatenei, mila esker zoriontsu egiteagatik.
Besarkada handi bat.
