Gereziondoa (Prunus avium L.)
Gereziondoaren hostoak, loreak eta fruituak (gereziak). © Raul Domínguez Pazo
Deskribapena
Gereziondoa hostoerorkorra da. Hosto (6-15 x 3-8 cm) sinpleak eta obobatuak ditu, eta ertz zerraduna eta azpialde ileduna izaten dituzte.
Landare hermafrodita da. Haren loreak 5 petalo (8-17 mm) zuri izaten ditu. Haren fruitua (9-17 mm) gerezia da, fruitu hezurdun mamitsua. Heltzean gorri-gorria bilakatzen da.
Azal ia leuna dauka, horizontalean ezkatatzen dena, grisa.
- Ekologia. Lurzoru sakonetan eta freskoetan hazten da.
- Banaketa. Eurosiberiarra.
- Loraldia. Martxoa-maiatza.
- Tamaina. 10-20 m.
- Altitudea. 10-1300 m.
- Erlazionatutako habitatak. Hariztia.
Iturria: Aranzadi Zientzia Elkarteko Botanika sailak ondutako Basoak.eus webgunea.
