2018/11/22
Gari kantari legazpiarrak ‘Beste denbora batean’ diskoa ondu eta grabatu du, Maldanbera taldearekin batera. Bere bakarkako ibilbideko 10. diskoa izango da. Jon Agirrezabala ekoizlearekin batera, Deustuko El Tigre eta Urdulizko Tio Pete estudioetan egin dituzte grabaketak. Aurreko diskoan hasi zuten elkarlana Garik eta Agirrezabalak, baina oraingoa, “disko alaiagoa” dela azaldu du, eta “eguneroko gauza txikiak” izan ditu oinarri. Diskoaren aurrerapen moduan, Esteban Ramosek egindako bideoklipa zabaldu dute gaur.
