Mikel Iturriotz Etxaniz, Urretxuarra
«Helburua bertso eskolan gustura bertsotan egitea eta elkartzen jarraitzea da»
Hirugarren partaidetza dut. Lortu dugu azken urteetan herrian bertso eskolan astero ez bada ere jarraikortasunez juntatzea. Horrek txapelketarekin berez lotura handirik ez badauka ere, helburua gustura segitzea eta juntatzen jarraitzea da. Pizgarri bat da txapelketa bera elkartzeko eta bertsotan egiteko, inguruko jendearekin, lagunekin, bata bestearekin… Nahiz txapelketan urduritasunak ere agertzen diren, aitzakia bat ere bada beste jende batekin aritzeko.
