Goierriko hamabost bertsolari, bost jartzaile eta bi epaile prest daude udazkenean egingo den Gipuzkoako bertsolari txapelketako sailkapen fasea jokatzeko.
Hogei saio, bi itzulitara, eta 74 bertsolari [hamabost goierritar] kantuan. Horietatik 48 sailkatuko dira bigarren itzulirako. Udazkenean jokatuko den Gipuzkoako bertsolari txapelketarako txartela, berriz, 34 bertsolarik eskuratuko dute. Horiexek dira atzo hasi zen Gipuzkoa Bertsotan sailkapen fasearen zenbaki nagusiak.
Goierriko hainbat bertsolari entrenatzeko elkartzen dira. Argazkian, Eneko Araiztegi, Gorka Maiz, Endika Igartzabal, Mikel Etxezarreta eta Aratz Igartzabal.
Zenbaki horiek, ordea, izenak dituzte. Goierriko hamabost bertsolarien zerrendan sei emakumezko eta bederatzi gizonezko daude: German Urteaga, June Aiestaran eta Maddi Aiestaran beasaindarrak; Gorka Maiz, Aratz Igartzabal eta Endika Igartzabal gabiriarrak; Uxue Fernandez, Antton Fernandez, Maialen Akizu eta Mikel Iturriotz urretxuarrak; Maide Garmendia zaldibiarra, Ane Beloki legazpiarra, Odei Lopez legorretarra, Mikel Etxezarreta olaberritarra eta Eneko Araiztegi segurarra.
Gai jartzaileetan Aizpea Garmendia, Iker Iriarte, Irati Sanchez de Arevalo, Asier Iriondo eta Saroi Jauregik osatuko dute goierritarren taldea. Epaile lanean, berriz, Maite Sukia eta Mikel Urteaga ariko dira.
Lehenengo itzulia
Udaberriko sailkapen fasea bi itzulitara jokatuko da. 74 bertsolarik kantatuko dute eta 48 pasako dira bigarren itzulira. Lehen itzuliko saioetatik puntuazio altuena lortzen duten multzo bakoitzeko 23 bertsolarik, eta lehen 46 horietan, sailkatu ez diren horietatik puntuazio altuena lortzen duten beste bi bertsolarik kantatuko dute bigarren itzulian.
Goierrin jokatuko den lehenengo itzuliko lehen saioa Gabirian da gaur, apirilak 26. Hurrengoa maiatzaren 2an jokatuko da Zaldibian, maiatzaren 3an Legorretan eta maiatzaren 9an Idiazabalen. Saio guztiak 19:00etan, ostegunetan eta ostiraletan izango dira, kultur etxe edo zinema aretoetan. Amaiaren afari meriendak egingo dituzte, bertso eskolen izpirituari heldu eta beste keinu bat egiteko. Bigarren itzulian saio bakarra jokatuko da Goierrin: ekainaren 1ean Ataunen, 17:00etan.
Saio guztietarako sarrerak salgai daude Bertsosarrerak.eus atarian. Sarrera arruntak 7 euro balio du (gazteek eta bazkideek 5), eta bonuak 20 euro.
Udazkenerako txartela
Udaberriko lanak udazkenean emango du fruitua beraz. Udazkenean jokatuko den Gipuzkoako txapelketarako 34 bertsolarik lortuko dute txartela.
Klikatu bartsolariaren argazkian bere adierazpenak irakurtzeko
Antton Fernandez Lasa
Eneko Araiztegi Agirre
Uxue Fernandez Lasa
Mikel Etxezarreta Lasa
Ane Beloki Lopez
Aratz Igartzabal Bidegain
Gorka Maiz Alustiza
Maialen Akizu Bidegain
Endika Igartzabal Murua
Mikel Iturriotz Etxaniz
Odei Lopez Larrauri
German Urteaga Garmendia
June Aiestaran Iparragirre
Maddi Aiestaran Iparragirre
Maide Garmendia Jauregi
Lehenengo faseko egutegia
Lehenengo faseko saioen egutegia ageri da ondorengo lerroetan, saio bakoitzean parte hartuko duten bertsolariekin batera.
Bigarren faseko saioak maiatzaren 25ean Antzuolan eta Pasaian izango dira, maiatzaren 26an Alegian eta Usurbilen,
ekainaren 1ean Ataunen eta Elgetan, eta ekainaren 2an Soraluzen eta Hernanin. Kasu horretan, larunbat eta igandeetan.
-
Apirilak 25, Eskoriatza. Andoitz Urdapilleta, Antton Fernandez (Zumarraga-Urretxu), Asier Ibarguren, Emaitz Murua, Joar Garate, Jon Mata, Libe Goenaga, Peru Aiartza.
-
Apirilak 26, Zestoa. Amets Aizpurua, Eneko Araiztegi (Segura), Eneko Beretxinaga, Haizea Arana, Julen Zulaika, Oihana Arana.
-
Apirilak 26, Gabiria. Aitor Tatiegi, Aitor Zubikarai, Andoni Mujika, Maider Arregi, Urko Egaña, Uxue Fernandez (Urretxu).
-
Maiatzak 2, Altzo. Danel Olano, Eneritz Artetxe, Iker Ormazabal, Jon Gurrutxaga, Manex Mujika, Mikel Etxezarreta (Olaberria).
-
Maiatzak 2, Zaldibia. Aitor Salegi, Ander Zulaika, Antton Aizpurua, Irati Arakistain, Manu Goiogana, Uxue Alkorta.
-
Maiatzak, 3 Orio. Ane Beloki (Legazpi), Aratz Igartzabal (Gabiria), Arnaitz Lasarte, Axier Bergaretxe, Beñat Iguaran, Martin Berrizbeitia.
-
Maiatzak 3, Legorreta. Ane Zuazabiskar, Beñat Zeberio, Gorka Maiz (Gabiria), Maialen Akizu (Urretxu), Naia Arrizabalaga, Unai Izagirre.
-
Maiatzak 9, Idiazabal. Aner Peritz, Eli Pagola, Endika Igartzabal (Gabiria), Igauri Lopetegi, Mikel Iturriotz (Urretxu), Oier Etxeberria.
-
Maiatzak 9, Getaria. Ekain Tolaretxipi, Jon Altuna, Odei Lopez (Legorreta), Oier Aizpurua, Txomin Azpiroz, Urko Arregi.
-
Maiatzak 10, Mutriku. Ane Peñagarikano, Iñigo Gorostarzu, Izarne Zelaia, Jon Mendiluze, Josu Ibarguren, Manex Astigarraga.
-
Maiatzak 10, Anoeta. Beñat Jauregi, German Urteaga (Beasain), Jon Luzuriaga, Julene Iturbe, Kepa Isasi, Markel Izagirre.
-
Maiatzak 10, Oñati. Aimar Sorazu, Andoni Rekondo, June Aiestaran (Beasain), Lierni Rekondo, Maddi Aiestaran (Beasain), Maide Garmendia (Zaldibia).
