Lurdes Baztarrika irakasleak (Ataun, 1959) 34. ikasturtea du Lazkaoko San Benito ikastolan. Umetatik oso argi zuen irakaslea izan nahi zuela eta ikasketak bukatu eta berehala San Benitokoak bere bila joan ziren.
Non egin zenituen ikasketak?
Ataungo eskolan, Lazkaoko nazionaletan (ikasturte bat), Beasaingo institutuan eta Donostiako seminarioan. Irakasle-ikasketak euskaraz egin zituen lehen promoziokoa naiz.
Zein zen zure ikasgai kuttuna?
Matematika.
Zein zaletasun dituzu?
Musika entzutea, irakurtzea eta paseatzea.
Liburu bat.
John Anduezaren Prime-time.
Musika talde bat.
Ken Zazpi.
Abesti bat.
Txoria txori.
Janari bat.
Arrautza frijitua.
Edari bat.
Sagardoa.
Goierriko txoko bat.
Ataungo Arantzamendi.
Amets bat.
Jubilatzen naizenean hondartza duen herri txiki batean bizitzea.
Jaso duzun oparirik bereziena.
Ezkon bezperan nire amak oparitutako panpina.
Gorroto duzuna.
Ironia.
Lazkaoko alkatea bazina…
14-18 urteko gazteentzat lokal bat martxan jarriko nuke.
Lazkaon biziko ez bazina…
Ditudan oroitzapen politak direla eta, Ataunen.
