Maiatzaren 28a: 7. etapa, Otzaurte – Beasain (34 km)
Uztailaren 15, 16 eta 17an Ehunmilak eta Goierriko2Haundiak proben bigarren edizioa burutuko da, Arrastaka Mendi Taldeak antolatuta. Proba honetako ibilbide osoa ezagutu eta gozatu nahi dutenentzat, baina kasu honetan oinez, Arrastaka Mendi Taldeak G”H-eko ibilbidea 7 etapatan egiteko ibilaldiak antolatu ditu maiatzan. Irteera hauetan parte hartu hahal izateko derrigorrezkoa da mendiko federatu txartela izatea. Interesa duten guztiek, informazio gehiago jaso edota izena eman nahi dutenek ‘Ehunmilak’-ek Jose Miguel Iturrioz kalean duen lokaletik pasa daitezke, apirilaren 28 eta maiatzaren 5an 18:30etatik 20:30etara; edo nahi izanez gero, egun eta ordutegi berean telefono zenbaki honetara dei dezake: 646 855 620. Informazio gehiago www.arrastaka.net-en.
