Goiberri aldizkariaren bosgarren alea, Anjel Arrospide aizkolariari eginiko elkarrizketa batekin iritsiko da ostiralean etxeetara. Arrospidek Urrezko Aizkora txapelketako finala du igandean, baina txapelketak uzteko asmoa duela esan du elkarrizketan.
Urretxuko eta Zumarragako Martxoan bertsoa lehiaketak hamargarren urtemuga bete duela eta, ekimenaren sortzaileek euren tartea dute bosgarren Goiberri aldizkarian. Gorka Azkaraterekin eta Gorka Ojangurenekin egon gara horretarako. Jexux Mari Arrizabalaga, legorretako kultur teknikariak; Rufino Iraolaren, Jon Balentziagaren eta Igor Sarriegiren iritziek; Gabiriko Rallyak… ere euren lekua dute ale berrian, besteak beste.
