Alex Albisuak (Zumarraga, 1972) Batxilergoa ikasi zuen eta ondoren bere gurasoen denda hartu zuen: Alex Kirolak. Gustuko lana du. «Lan polita da, baina azkenaldian egoera zaildu egin da: krisiak, pandemia… Pandemiak ziurtasun falta ekarri zuen. Egoera egonkortu dela dirudi, baina erosketak Internetez egiteko joera areagotu egin da».
Kirolzalea al zara?
Kirola egin dut, baina 10 urte daramatzat egin gabe. Urola futbol taldean jokatu nuen, baina denda hartu nuenean utzi nuen. Ondoren, korrika egin nuen. Behobia-Donostia lasterketan 10-12 urtetan jarraian parte hartu nuen.
Pelikula edo telesail bat?
Pelikula gutxi ikusten ditut.
Abeslari bat edo musika talde bat?
Bruce Springsteen zalea naiz. Bi aldiz ikusi dut zuzenean. Euskal taldeak ere gustuko ditut. Nire garaiko Itoiz eta Hertzainak, adibidez.
Abesti bat?
Bruce Springsteen-en The river.
Liburu bat?
Tamalez, ez naiz irakurri zalea.
Kolore bat?
Ez naiz kolore zehatz batekin identifikatzen.
Oporretarako toki bat?
Azkenaldian Landetara joan gara.
Zer gosaltzen duzu?
Tostada pare bat eta edari begetalen bat.
Inoiz ahaztuko ez duzun eguna.
Semea jaio zenekoa.
Sekula egin dizuten opari bereziena?
Semea.
Amets bat.
Mundua zuzentzea eta, arlo pertsonalean, gauden bezala jarraitzea.
Goierriko txoko kuttuna.
Izazpiko buelta.
Zumarragan biziko ez bazina…
Donostia inguruan.
