Osagaiak
Lau lagunentzat
- 50 gr baratxuri
- 200 gr almendra
- Borraja sorta bat
- 400 gr kardu
- 8 orburu
Prestaketa
Almendra krema
Baratxuriak zuritu eta kazola batean gorritu. Dantzan hasten direnean, 180 gr almendra zuritu gehitu eta kozinatu txigortu arte. Gehitu litro bat ur, baita gatza eta piper hauts beltza ere. Ondo birrindu nahasketa. Gero iragazi eta gorde.
Barazkiak
Ondo zuritu kardua eta xafla finetan moztu. Egosi 7 minutuz.
Ondo zuritu borraja eta karduaren tamaina antzekoan moztu. Egosi 5 minutuz.
Egosi orburuak, zuritu gabe, 18 minutuz. Hozten direnean ondo zuritu, eta erdikoarekin geratu.
Basatxerri hirugiharra
Gure kasuan 65ºC-tan prestatzen dugu 24 orduz. Etxeko labean 45-50 minutu 100ºC-tan ondo geratuko zaizu.
Amaitzeko
Barazkiak saltsatan berotu eta hirugiharra plantxan, lauki lodietan moztuta. Platera almendra txigortuekin amaitu.
Iñaki Telleria, Kuko jatetxea
Gasteizen 1993. urtean jaio zen Iñaki Telleria. Baina, sukaldari bezala Goierrin finkatu zen, duela zortzi urte baino gehiago. Lehen hiru urteak Ordiziako Oiangu Baserrian egin zituen eta ondorengo bostetan Mutiloako Ostatuko ardura eraman zuen. Gaur egun, Ormaiztegiko Kuko jatetxean aurkitu du sukaldaritza ulertzeko duen modua garatzeko txokoa.
Bere sukaldaritzaren oinarria «azokako janaria» dela dio. Egunero Goierriko azoka eta dendetan erosketak egin eta merkatuan aurkitzen duen hori prestatzen du, garaian garaikoa. Astelehenetik ostegunera hiru menu desberdinetan prestatzen ditu:Egunerokoa, Pikoteoa eta Azokakoa. Ostiral eta larun- batetan, berriz, Azokako menua bakarrik zerbitzatzen dute.
