Joxe Begiristain • Irakurzalea
Irati Jimenezen Begiak zabalduko zaizkizue. Literaturari buruzko elkarrizketa bat liburua hartu dut oraingoan hizpide. Eta aitortuko dizuet: begiak zabaldu zaizkit eta eszenatokira baino pulpitura igota, ausardiaz, orojakile aritu natzaizuen beldurra eragin dit liburu hau bi aldiz eta patxadaz irakurtzeak. Badakit, gure iritziz onak iruditzen zaizkigun liburuak gomendatzea baizik ez dela gure lana. Edo horretara mugatu naiz ni behintzat: ez dut hona ekarri gustukoak ez ditudan liburuetatik bat bera ere (horrek salbatzen nau!). Alegia, betiere nire iritzi subjektiboaz, leiho honetara inguratu eta nire gomendioaz fidatuta, norbaiti irakurketarekin gozaraztea beste helbururik ez dut izan, noski.
Umorez esanda hori, noski, baina zinez badiot nik segi nezakeela orain arteko txanda-tarteetan liburuak gomendatzen, are eta konbentzituago diot baita ere, lan hau egiteko ni baino prestatuago denik badela Goierrin.
Hori bai, irakurri ezazue liburu hau, baita orain arteko nire gomendioei uko egin diezuenok ere.
Horrekin 11 liburuz aritu banatzaizue, hona, dozena osatzeko: Anjel Lertxundiren Desertuan behatxuloa.
Ekainaren 10ean Itsason ikusiko dugu elkar Goierriko Irakurle Taldeen V. Topaketan, idazleak eta irakurzale goierritar piloak!