Antton Fernandez Lasa • Bertsozalea
Kaixo, goierritar xehea
Gaurko zutabe basea,
edukidun enbasea,
dator bertsotan pasea.
Atzo_hasi baitzen Gipuzkoako
lehen sailkapen fasea,
gaiak ematen zaldibiartu
zaigun Ikerren klasea.
Gaur Gabirian Uxuek altu
jar al lezake katxea,
Irati Sanchez aurkezle dela
ta entzulea asea,
helburu_ederra izan daiteke
denok (ondo) pasatzea. [bis]
Enekok Zestoan dauka,
ta_osteguneko aldapa
Zaldibira tipi-tapa
anfitrioi Saroi da ta;
egun berean Mikelek Altzon
debutatzeko ataka.
Ostiralean ta Legorretan
Maialen zein Gorkak kanta;
Orion Ane ta Aratz martxan,
ta besteak pixkanaka…
Eskualdeko eragile zein
eskolek eman matraka,
bertso munduan goierritarrik
sekula ez dadin falta. [bis]
Doinua: munduko ilunabarra
