
GOIERRI
Uda bete-beteko eta opor giroko festak ospatzen dituzte abuztuan Goierriko hainbat herritan. Gabirian San Roke eta Andre Mari jaiak abuztuaren erdian, Zerainen Andre Mari jaiak garai berean, Itsason eta Zegaman –irudian– San Bartolome festak dituzte abuztuaren 23tik aurrera, eta abuztua bukatzeko, San Agustin festak Legazpiko Brinkolan. Iraila hastearen batera, 1ean, igandearekin, Artzain Eguna ospatuko dute Legazpin.