2021/06/21
Endika Igartzabal Murua
- Gaia: Uda garaia
- Neurria: Hamarreko handia
- Doinua: Mutil koxkor bat
Udalekutan begiraleak
haur ta gazteak jasaten,
igeltseroak, masa, adreiluz
paretei forma ematen,
baserritarrak belar iharra
ganbarara eramaten,
eguzki printzek eta beroak
sarri ditu erasaten
uda garaia ez da denentzat
opor garaia izaten.
«Abuzturako niri txertoa
jarri diezadatela!
Italiako irla batean
hartuta baitut hotela».
Nahiz aspaldian sarritan entzun
etxean ondo geundela
dagoeneko ahaztu zaigu
ta uste dut gabiltzela
katetik jare egin berritan
dagon txakurra bezela.
Hurrengoa
- Bertsozalea: Maitane Legarreta Etxezarreta
- Gaia: Hilekoa
Bertso gehiago...
