2021/02/01
Eneko Araiztegi Agirre
- Gaia: Zoriontasuna
- Neurria: Hamarreko txikia
- Doinua: Batetikan korrozka
Zoriontasuna da
sentipen gorena
poztasun bat sekula
bukatzen ez dena
aldartez izatea
norbere barrena
teorian zer den da
askok dakiena
baina praktikan gutxik
sentitzen duena.
Ez dago erosterik
ez baitute saltzen
gehiena daukanak e’
maiz ez du topatzen
norbere baitan dela
ez gera ohartzen
beraz geure barrura
hasi begiratzen
eta daukagun hura
gehio estimatzen.
Hurrengoa
- Bertsolaria: Odei Lopez Larrauri
- Gaia: Urtarrilak 25
Bertso gehiago...
