2021/01/18
Maddi Aiestaran Iparragirre
- Gaia: 2020ari
- Neurria: Zortziko handia
- Doinua: Ez nau izutzen negu hurbilak
Izutu nauzu negu hurbilak
izutzen gaituen eran,
esan didazu nola segundo
bat ez daukagun soberan.
Nahiz ez dakidan hemeretzia
gisan maita zaitzakedan,
miresten zaitut ez zarelako
etorri ta joan hegan.
Azaldu duzu zenbat borroka
txiki ditugun gaurrean,
ta bistaratu ze soilak garen
argi ezaren aurrean.
Zer ikasia hainbeste eman
duzu arnas bakarrean,
hogei, nik behintzat harrotasunez
zaramatzat bizkarrean.
Hurrengoa
- Bertsolaria: Mikel Etxezarreta Lasa
- Gaia: Artzaintza
Bertso gehiago...
