2022/01/24
Aitor Sarriegi Galparsoro
- Gaia: Protokoloak
- Neurria: Hamarreko handia
- Doinua: Misiolari baten moduan
Pandemia bat iritsi zela
aspaldi esan ziguten
eta hezkuntzan bideratzaile
gisa garenok jarduten
ordutik nahiko lan badaukagu
protokolo ta laburpen
berriak nola eguneratu
zer jarri, bete, moztu, ken…
azkenaldian protokoloak
besterik ez dut entzuten.
Protokoloak osasunean
protokoloak langintzan
protokoloak hezkuntzan eta
protokoloak bizitzan
protokoloen zale sekula
ere ez garenok izan
ia aditu egin gaituzte
sasi protokologintzan
protokoloen zalea denak
bereak ezarri ditzan.
Hurrengoa
- Bertsolaria: Antton Fernandez Lasa
- Gaia: ‘Goierri, Explore San Sebastian region’
Bertso gehiago...
