2021/11/29
Ekaitz Goikoetxea Asurabarrena
Gaia: Fobiak eta foboak- Neurria: Hamarreko handia
- Doinua: Sentimendua sartu zitzaidan
Begi aurrean atzoko Hitza,
platertxoan bi oliba,
kazetaria azken aldiko
gertakariez ari da,
ez da laburra gorrotozko hitz
eta irainen segida,
kezkati nago larrututako
paretetara begira,
homofoboak gure ikasle
ta seme-alabak dira.
Fobiak eta foboak daude
hirian nahiz herrixketan,
aldarri eta mezu matxistak
askotxoren play-listetan.
Irri-mirrika ikastetxean,
muturka dantza-pistetan,
malkoa berez lehortzen da-ta
besteren begi tristetan,
jarraitu lasai Gran Hermanoz ta
eguraldiaz hizketan.
Hurrengoa
- Bertsolaria: German Urteaga Garmendia
- Gaia: Abenduak 3
Bertso gehiago...
