2021/05/10
Nerea Elustondo Plazaola
- Gaia: Gaua
- Neurria: Hamarreko txikia
- Doinua: Agur sagar beltzaran
Argitasuna ilun
bihurtzen denetik
itzalik ezak eman
ohi duen bermetik…
Gaua, nahiz ikusiko
zenuen denetik,
nostalgiaz zakusat
etxe barrenetik,
kaleak hamarretan
ixten direnetik.
Misteriotsua bezain
magikoa usu,
arriskua, beldurra,
zureak dituzu;
Lehen zuk galtzen gintuzun
eta orain guk zu.
Berrelkartzeko falta
zaizkigu bi pausu…
gautxoriak sorgintzen
segiko al duzu?
Hurrengoa
- Bertsolaria: Aratz Lasa Galparsoro
- Gaia: Normaltasun berria
Bertso gehiago...
